काठमाडौ । नेकपा (एमाले) का अध्यक्ष केपी शर्मा ओलीले कम्बोडियामा भएको निर्वाचनको पर्यवेक्षण गरेको छ ।
नेकपा (एमाले) का अध्यक्ष ओलीले तीन वटा मतदान केन्द्रमा पुगी पर्यवेक्षण गरेको उनको सचिवालयले जनाएको हाे।
अध्यक्ष ओलीले टोल कोर्क प्रा वि, हुन सेन प्रिक रेसे प्रावि र क्रोपर हा प्रा वि मतदान केन्द्रमा पुगी निर्वाचनको पर्यवेक्षण गरेको हो। उनको सचिवालयका अनुसार अध्यक्ष ओलीसहितको टोली निर्वाचनको पर्यवेक्षण गर्दा मतदान केन्द्रमा शान्त वातावरणमा निर्वाचन हुँदै र ७० प्रतिशतभन्दा माथि मतदान सम्पन्न भइसकेको थियो ।
कम्बोडियामा आज सातौँ राष्ट्रिय व्यवस्थापिकाको १ सय २५ जना विधायकहरूको निर्वाचन सम्पन्न भएको छ । निर्वाचनमा ३ सय ३४ जना विदेशी पर्यवेक्षकले बिहानदेखि पर्यवेक्षणमा गरेका थिए ।
अध्यक्ष ओली कम्बोडिया सरकारको निमन्त्रणामा निर्वाचन पर्यवेक्षणका लागि यही साउन २ गते त्यसतर्फ गएको थियो। उनको साथमा पत्नी राधिका शाक्य, उपमहासचिव विष्णु रिमाल, प्रमुख स्वकीय सचिव राजेश बज्राचार्य, स्वकीय फोटोग्राफर अधिकृत दिनेश भण्डारी रहेको छ।
प्रकाशित मिति: आइतबार, साउन ७, २०८० २१:४९
