काठमाडौं। विश्वको खेलजगतमा कराँते खेलको Black Belt Dress लगाएर उडिरहेको हेलिकप्टरवाट स्काइ ड्राइभ गरेर विसं.२०७५ सालमा Guinness Book Of World Record (गिनिज बुक अफ वल्र्ड रेकर्ड) राख्न सफल कीर्तिमानी नेपाली खेलाडी गौतम खातीको भर्खरै विवाह भएको छ।
त्यो पनि वास्तविक जीवनमा नभइकन ख्यातिप्राप्त गायक प्रमोद खरेल विलकुलै नयाँ गीत गोरेटोको म्युजिक भिडियोमा एडभेन्चर स्टार गौतम खातीको भर्खरै विवाह भएको हो।
यो पुरुषोतम महिना मलमासको बेला विवाह लगायतका कुनै साइत नै गर्न नमिल्ने समयमा एडभेन्चर स्टार गौतम खातीले विवाह गरेर नयाँ आयाम सहितको कीर्तिमान राखेका हुन्।
काठमाडौंको बूढानिलकण्ठ मन्दिरको प्रांगणमा मलमासको बेला नायिका रिचा थापासंग विवाह गरेर हेर्नेहरुलाई पनि तीनछक्कै पारेका कीर्तिमानी एडभेन्चर स्टार खाती अभिनित गोरेटो म्युजिक भिडियो आजै शनिवार भर्खरै सार्वजनिक भएको छ।
त्रिकोणात्मक प्रेम कथा रहेको गोरेटोमा एडभेन्चर स्टार गौतम खातीका साथमा नायिका रिचा थापा र मनोज लोहानको अभिनय रहेको छ। निर्देशन प्रदीपकुमार रसाइलीको छ ।
कीर्तिमानी एडभेन्चर स्टार गौतम खातीले यसअघि दर्जनौ दर्जन गीतका म्युजिक भिडियोहरुमा अभिनय गरेर बेग्लै उचाई कायम गरिसकेका छन्।
प्रकाशित मिति: शनिबार, साउन २०, २०८० १९:४४
