काठमाडौँ । यो साता कारोबारको पहिलो दिन आज नेपाल स्टक एक्सचेञ्ज ९नेप्से० परिसूचक दोहोरो अङ्कले बढेको छ।
आज नेप्से परिसूचक १४ दशमलव ८१ अङ्कले बढेर दुई हजार ८० दशमलव ८६ अङ्कमा कायम भएको हो ।
आज २ सय ७१ कम्पनीको ९७ लाख १८ हजार ७ सय ५४ कित्ता शेयर ९५ हजार ९ सय ६५ पटक खरिदबिक्री हुँदा ३ अर्ब १ करोड ८४ लाख ६० हजार ५ सय १२ बराबरको कारोबार भएको छ ।
वित्त, उत्पादन तथा प्रशोधन लघुवित्त र अन्य समूहका उपसूचक क्रमशः १ दशमलव ३०, १० दशमलव ३४, १३ दशमलव ५५ र ० दशमलव १८ अङ्कले घटेका छन् भने बाँकी सबै समूहका उपसूचक बढेका छन् ।
सबैभन्दा धेरै निर्जीवन बीमा समूह २ सय ४१ दशमलव ५७ र होटल तथा पर्यटन समूह एक सय सात दशमलव ५० अङ्कले बढेका छन्।
त्यस्तै, बैंकिङ १३ दशमलव ६१, विकास बैंक २१ दशमलव ३०, जलविद्युत् १८ दशमलव ५१, लगानी शून्य दशमलव ३०, जीवन बीमा ५८ दशमलव १३ र व्यापार समूह ० दशमलव ०८ अङ्कले बढेका छन् ।
थ्रीस्टार हाइड्रोपावर लिमिटेडको शेयर मूल्यमा आज सकारात्मक सर्किट लागेको छ । सबैभन्दा धेरै घट्नेमा भने घोराही सिमेन्ट इन्ड्रस्टी लिमिटेडको शेयर मूल्य ९ दशमलव ९९ प्रतिशतले घटेको छ ।
कारोबार रकम र कारोबार भएका शेयर सङ्ख्याका आधारमा आज सबैभन्दा धेरै नेपाल इन्स्योरेन्स कम्पनी लिमिटेड प्रमोटर शेयर ५८ करोड ४५ लाख ६१ हजार ४ सय बराबरको १९ लाख ४८ हजार ५ सय ३८ कित्ता किनबेच भएको छ।
प्रकाशित मिति: आइतबार, साउन २८, २०८० १६:५८
