काठमाडौ । देशप्रेमले ओतप्रोत "माटोको माया" गीतको भिडियो सार्बजनिक भएको छ । उक्त सार्वजनिक गीतमा पुजन मिश्र र निमा शेर्पाले स्वर दिएका छन्।
गीतकार ज्ञानप्रसाद भट्टराईको शव्द रचना निर्मित "माटोको माया" गीतभिडियोको संगीत संयोजन तथा एरेञ्ज कमल अधिकारीले गरेका छन् भने भिडियोको छायाङकन र निर्देशन बिजयराज भुर्तेलले गरेका छन् ।
यस गीतमा देशभक्त नेपालीले राष्ट्रप्रति दर्शाएको माया र सद्भाव झल्किएको छ । बिगत लामो समयदेखि नेपाली साहित्यमा कलम चलाउदै आएका भट्टराईले गीत र कबिताहरु नेपाली साहित्य क्षेत्रमा धेरै नै योगदान दिएका छन्।
देशप्रति अगाध माया र प्रेम दर्शाइएको "माटोको माया" गीतले सम्पूर्ण संगीतप्रेमी श्रोताको मन जित्न सक्ने कुरामा विश्वस्त रहेको गीतकार भट्टराईले बताए।
"माटोको माया" गीत भिडियोको छायाङ्कन नेपालय पब्लिक स्कूलमा गरिएको हो भने शंकरा डिजिटल स्टुडियो बागबजारमा गीत रेकर्डिङ भएको हो।
प्रकाशित मिति: बिहीबार, साउन ३२, २०८० ११:३५
