काठमाडौं। नेपालका अब्बल दर्जाका ख्यातिप्राप्त चलचित्र नृत्य निर्देशक गोविन्द राई अव गीतकार पनि बनेका छन्। सानैदेखि गीत लेख्न पनि दख्खल राख्दैआएका नृत्य निर्देशक राईले पछिल्लो पल्ट आफूलाई गीतकारको रुपमा चिनाएका हुन् ।
केही बर्षदेखि नेपाल वाहिर प्रवास सात समुद्रपारि अमेरिकामा त्यहाँ रहेका नेपाली तथा विदेशीलाई नेपाली कल्चर नृत्य सिकाउंदै आएका नृत्य निर्देशक राईव्दारा रचित शिव भक्तिरुपी भक्ति गीतको लिरिकल भिडियो अमेरिकावाटै सार्वजनिक भएको छ।
गोविन्द राई इन्टरटेन्टमेन्ट युट्युब च्यानलवाट विश्वभर प्रदर्शनमा आएको ओम नमो शिवाय् बोलको लिरिकल भिडियोमा नृत्य निर्देशक राईकै मूर्त–अमूर्त अभिनय रहेको छ।
दीपक तामाङको संगीत संयोजन तथा जय टी वाइबीएको स्वर सड्गीत रहेको लिरिकल भिडियोमा विषम आचार्यको मिक्सिङ तथा सञ्जिव बराईलीको गितारवादन छ।
सानैदेखि आफूभित्र रहेको अमूर्त कलाको रुपमा रहेको गीत लेखन कलालाई यसरी नै क्रमिक रुपमा प्रस्फुटन गर्दैजाने जानकारी नृत्य निर्देशक राईले अमेरिकावाटै दिएका छन्।
प्रकाशित मिति: आइतबार, भदौ ३, २०८० ०९:५३
