काठमाडौ । गायिका मिलन नेवार र राजन राज शिवाकोटीको आवाजमा सजिएको गीत “उकुस मुकुस” को गीतभिडियो आजबाट सर्बत्र बजारमा सार्बजनिक भएको छ।
देवीथान म्यूजिक च्यानेलबाट सार्बजनिक गरिएको यस “उकुस मुकुस” गीतभिडियोका शब्द र संगीत स्वयम् गीतकार तथा गायक शिवाकोटी कै रहेको छ।
मनभित्रका गुम्सिएर रहेका कौतुहलतालाई कहाँ, कसरी, कहिले, कस्लाई, कति खेर पोखौं ? भनेर उकुस मुकुस भएको भावलाई उदाङ्गो पार्ने वडो रोमाण्टिक नेपाली गीतभिडियोलाई निर्देशन गरेका छन् राजेश पुमा राईले ।
गीतभिडियो “उकुस मुकुस” मा गायक राजन राज सिवाकोटी र गायिका मिलन नेवार कै फिचरिङ्ग रहेको छ भने सम्पादन गरेका छन् विकास दाहालले।
त्यस्तैगरी एरेञ्ज गरेका छन् विजेश्वर तण्डूकारले भने मिक्स÷मास्टरमा राजेश्वर तण्डूकार, मेकअपमा इन्दिरा महर्जन र क्यामेरामा उत्सव दाहाल रहेको छ।
प्रकाशित मिति: शनिबार, भदौ २७, २०७७ १६:१४
