काठमाडौँ। नेपालको पहिलो र एकमात्र सरकारी रेडियो प्रसारण संस्था रेडियो नेपालमा यो बर्ष स्वर परीक्षामा १ सय २१ जना उत्तिर्ण भएका छन्। रेडियो नेपालले सञ्चालन गरेको स्वर परीक्षामा २ सय १७ जना मध्ये उर्तिण भएका १ सय २१ उत्तिर्ण भएका हुन्।
२०७९ साल फागुन महिनामा लिइएको विभिन्न विद्याको स्वर परीक्षामा उर्तिण भएका १ सय २१ कलाकारहरूलाई रेडियो नेपालले विशेष कार्यक्रम गरेर प्रमाण पत्र प्रदान गरिएको छ। स्वर परीक्षामा लोकगीत तर्फ ७३ जना, आधुनिक गीत तर्फ ३८, वाद्यवादन तर्फ ७ जना र भजन तर्फ ३ कलाकार उर्तिण भएका छन् ।
उनीहरुलाई रेडियो नेपाल सञ्चालक समितिका सदस्य एवम् नेपाली म्युजिक भिडियोका बादशाह सीताराम पोखरेलको प्रमुख आतिथ्यतामा प्रमाण–पत्र वितरण गरिएको हो। प्रमाण–पत्र वितरण कार्यक्रममा नेपाली म्युजिक भिडियोका बादशाह पोखरेलले प्रमुख अतिथिको आसनवाट स्वर परीक्षा उर्तिण गर्नु नयाँ प्रतिभाहरूका लागि सङ्गीत क्षेत्रमा प्रवेश गर्ने एक महत्वपूर्ण अवसर भएको बताए ।
कार्यक्रममा रेडियो नेपालका कार्यकारी निर्देशक बुद्धिबहादुर केसी, नायव कार्यकारी निर्देशक खगेन्द्र खत्री, कार्यक्रम महाशाखाका प्रमुख तारा प्रसाद बस्ती, सङ्गीत शाखा प्रमुख मनराज नकर्मी लगायतले रेडियो नेपालले विगत देखी सञ्चालन गदै आएको स्वर परीक्षाको आवश्यकता तथा महत्वको वारेमा प्रकाश पारेका थिए।
कार्यक्रममा स्वर परीक्षा उर्तिण कलाकारहरू रोशनी रोकाय, रत्न परियार र राजु तामाङले साङ्गीतिक प्रस्तुति प्रस्तुत गरेका थिए ।
प्रकाशित मिति: शनिबार, भदौ १६, २०८० २२:२२
