ललितपुर। नेपालका ख्यातिप्राप्त कलाकार अजय देशार अध्यक्ष तथा महाप्रवन्धक रहेको योेङ पिकासोको आयोजनामा तेश्रो अन्तरराष्ट्रिय चित्रकला प्रदर्शनी शुभारम्भ भएको छ। पाटन दरवार स्क्वायरमा कलाकार देशारको आयोजनामा तेश्रो अन्तरराष्ट्रिय चित्र कला प्रदर्शनी शुभारम्भ भएको हो ।
विभिन्न देशका कलाकारहरुका साथमा नेपाली कलाकारहरुको समेत गरेर ३० चित्रहरुको प्रदर्शनी पाटन दरवार संग्रहालयमा विहीवारवाट भैरहेको छ। पाँच दिनसम्म चल्ने चित्रकला प्रदर्शनीमा एकलाखले अवलोकन गर्ने अपेक्षा कलाकार देशारले राखेका छन्।
१० देशका कलाकार सम्मिलित ५ दिने अन्तरराष्ट्रिय चित्रकला प्रदर्शनी शुभारम्भका दिन विहीवार सिद्धहस्त कलाकास अजय देशारको लेखन र पत्रकार बींएम आचार्यको सम्पादनमा द इसेन्स अफ आर्ट नामक पुस्तक विमोचन पनि गरिएको थियो।
पुस्तकको विमोचन पूर्व परराष्ट्रमन्त्री प्रदिप ज्ञवाली, श्रीलकांली राजदूत बिएन दिल्मिनी, नाफाका कुलपति नारदमणी हरदमछाली, गोदावरीका मेयर गजेन्द्र महर्जन लगायतले संयुक्त रुपमा गरेका थिए।
प्रकाशित मिति: बिहीबार, असोज १८, २०८० २१:४९
