काठमाडौ । काठमाडौं महानगरपालिकाको ठूला वडाहरुमध्येहरुमा पर्ने वडा नंबर ४ ले बडादशैं, तिहार, नेपाल संवत तथा छठ पर्वको अवसरमा शुभकामना आदान प्रदान कार्यक्रम गरेको छ।
४ नंबर वडावासीहरुलाई शुभकामना दिने उदेश्यले काठमाडौं महानगरपालिका वडा नंबर ४ ले शुभकामना आदान–प्रदान कार्यक्रम राखेको हो।
आयोजक काठमाडौं महानगरपालिका वडा नंबर ४ का लोकप्रिय तथा जनप्रिय वडा अध्यक्ष दिनेश महर्जनले वडावासीको हक, हित र अधिकारको लागि आफ्नो नेतृत्वको टीमलृ अहोरात्र कार्य गरिरहेको शुभकामना आदान–प्रदान कार्यक्रममा बताएका छन्।
वडाको सरकार प्रमुख नै मानिएका अध्यक्ष महर्जनले आफूहरु निर्वाचित भएर आएयता समग्र वडावासीको हक, हित र अधिकारको लागि अहोरात्र कार्य गरेर तिब्र विकास निर्माण गरेको खुलासा गरेका छन्।
वडावासीलाई सुरक्षित बनाउन वडाका सवै टोलहरुमा सीसी क्यामेरा जडान गर्ने कार्यलाई निरन्तरता दिएको, सडक बत्ती, सडकमा दूर्घटनावाट बच्न र बचाउन साइड मिरर राख्ने कार्य देखि गुगल म्यापिङसम्मको कार्य सम्पन्न भएको जानकारी पनि वडा अध्यक्ष महर्जनले दिए।
त्यस्तै वडावासीलाई सुलभ स्वास्थ्य सेवा प्रदान गर्न सुलभ स्वास्थ्य सेवाको शुभारम्भ गरेको बताउंदै अध्यक्ष महर्जनले वडाको प्रमुख समस्या भनेको नेपाल विद्युत प्राधिकरण र मेलम्ची खानेपानीले विगारेका बाटोघाटो निर्माण र तिनको पिच गर्ने कार्य देखिएको र त्यसको समाधान गर्न पनि वडा क्रियाशील भैरहेको भनेका छन्।
काठमाडौं महानगरपालिकाकै ठूला वडा मध्येको एक वडा भएको कारण वडा नंबर ४ ले सानोतिनो नगरपालिकाको हैसियत राख्ने गर्दछ।
यस हिसावमा वडा ठूलो भएको कारण धेरै चुनौति भएको र यसै वडामा प्रधानमन्त्रीको निवास देखि नेपाल राष्ट्र बैंकको केन्द्रिय कार्यालय तथा बहुचर्चित ललिता निवाससम्म रहेकोले यो वडा राष्ट्रकै आकर्षणको केन्द्र रहेकोले पनि आफूमाथि ठूलो जिम्मेवारी र काम गरेर देखाउने अवसर रहेको कारण जतिसुकै बाधा-अड्चन आएपनि हटेर होइन, डटेर लागिरहेको अध्यक्ष महर्जनले बताए।
प्रकाशित मिति: सोमबार, असोज २९, २०८० ०७:२७
