काठमाडौँ । काठमाडौँको बल्खुमा भएको प्रदर्शनमा झडपको स्थिति सिर्जना भएपछि त्यसलाई नियन्त्रणमा लिने क्रममा प्रहरीसहित २८ जना घाइते भएका छन्।
काठमाडौँ उपत्यका प्रहरी कार्यालयका अनुसार शान्ति, सुरक्षा कायम गर्ने क्रममा पाँच प्रहरी र २३ जना प्रदर्शनकारी घाइते भएको हो।
झडपमा घाइते भएकामध्ये १७ जना उपचारपछि घर फर्केका छन्भने ६ जनाको काठमाडौँ मेडिकल कलेज सिनामङ्गलमा उपचार भइरहेको छ।
उत्तेजित भीडको ढुङ्गा प्रहारबाट घाइते भएका प्रहरीको नेपाल प्रहरी अस्पतालमा उपचार भइरहेको छ। स्थितिलाई नियन्त्रणमा लिन १ सय ५७ सेल अश्रुग्यास र ५ राउण्ड रबरको गोली प्रहार गरिएको थियो।
प्रकाशित मिति: बिहीबार, मंसिर ७, २०८० २१:३२
