काठमाडौँ। हङकङमा रहेका नेपाली हारमोनियम उस्ताद गायक नागेन्द्र श्रेष्ठले एक पछि अर्को गीतहरुमा संगीत दिएर कीर्तिमान कायम गर्दैआएका छन्। यसक्रममा चर्चित गायिका रचना रिमालको स्वर रहेको थोपा बोलको गीतमा संगीत दिएर नयाँ थप कीर्तिमान कायम गरेका हुन्।
उनै उस्ताद श्रेष्ठको संगीत रहेको गीतको भिडियो सार्वजनिक भएको छ । नविन श्रेष्ठको शब्द सिर्जना रहेको सार्वजनिक गीतमा चेतनामूलक नारी सन्देश छ। जसमा राहुल प्रधानको एरेन्ज रहेको छ । निर्देशन गौरब गिरीको छ।
सुदुरपश्चिमको रमणीय स्थानमा छायांकन गरिएको भिडियोमा आर के परियार, अनुजा सिंह र मिसेल घिमिरेको बेजोड अभिनय देख्न सकिन्छ। भिडियोमा सन्तोस तामागंको सिनेमाटोग्राफी, भद्रजंग कुबरको सम्पादन तथा कलरि श्याम कुँवरको रहेको छ।
भिडियो हारमोनियम उस्ताद तथा गायक एवम् संगीतकार नागेन्द्र श्रेष्ठको यट्युब च्यानल मार्फत बजारमा आएको हो। केही समय अघि मात्रै संगीतकार नागेन्द्रले अञ्जु पन्तको स्वरमा हिन्दी गीत जिन्दगीकी राहो मेको भिडियो सार्वजनिक भएको थियो।
प्रकाशित मिति: शनिबार, मंसिर ९, २०८० १६:४३
