ललितपुर । भूकम्पले ध्वंस्त बनाएको विकट कर्णाली प्रदेशको जाजरकोटका भूकम्प पिडितहरुलाई यो जाडोमा न्यानो राहत सहयोग वितरण गर्ने कार्य भएको छ। नेपाल रेडक्रस सोसाइटी सिन्धुपालचोकको समन्वयमा लायन्स क्लब अफ काठमाडौं फेलोसिपको टीम जाजरकोट पुगेर जाडोमा न्यानो राहत सहयोग वितरण गरेको हो।
लायन्स क्लव अफ काठमाडौं फेलोसिपकी कोषाध्यक्ष तथा सामाजिक अभियन्ता सुशीला श्रेष्ठले जाजरकोटका भूकम्प पिडितहरुलाई १२ लाख रुपैया बराबरका न्याना कपडा, ब्लांकेट, ज्याकेट, स्यानिटरी प्याड लगायतका सामाग्री अन द स्पट पुगेर सहयोग गरेको बताएकी छन्। ललितपुरको लगनखेल स्थित नयाँ फेन्सीकी प्रोप्राइटर समेत रहेकी श्रेष्ठका अनुसार, जाजरकोटको नलगाढ नगरपालिका वडा नंबर १, ५ र ६ का भूकम्प पिडितहरुलाई जाडोमा न्यानो सहयोग गरिएको हो।
श्रेष्ठकी सहोदर बहिनी ललितपुर लगनखेलकै ड्रेसअप ड्रेससप फेन्सीकी प्रोप्राइटर तथा सामाजिक अभियन्ता चण्डिका श्रेष्ठको साथमा सहोदर दिदी विमला श्रेष्ठको पनि त्यस सहयोग वितरण कार्यमा विशेष सहयोग रहेको छ।
तीनैजना दिदीबहिनीले करिब सातलाख बराबरको सहयोग दिने कार्य पनि भएको श्रेष्ठले वताएकी छन्। बाँकी सहयोग जुटाउने कार्यमा लायन्स क्लब अफ काठमाडौंका प्रेसिडेन्ट राजेश हिमालय, लायन्स क्लव अफ ग्रीनसिटीका प्रेसिडेन्ट राजेन्द्र भट्ट, मनिता महर्जन, कुमार पोखरेल, भरत कोइराला र जानकी थापाको विशेष साथ र सहयोग रहेको जानकारी पनि श्रेष्ठले दिएकी छन्।
भूकम्पबाट अति प्रभावित नलगाढका स्थानीयको लागि त्रिपाल ४० थान, बच्चाको न्यानो कपडा ३५० थान, ब्लाङकेट ९२ थान, महिलाको लागि पछ्यौरी ९४ थान, न्यानो कपडा ठूलोको लागि १५० थान र ज्याकेट ५० थान सहयोग वितरण गरेको जानकारी पनि उनले दिएकी छन्।
काठमाडौंवाट लगभग २ हजार किलोमिटरको यात्रा गरेर जाजरकोट पुग्दा कतिपय स्थानमा मोटर जान नसक्दा ढुंगारोडा विछ्याएर बाटो बनाएर गएको त्यो कठिन क्षणलाई भुलेर पनि आफूहरुले भूकम्प पिडितहरुलाई सहयोग गरेर आउन पाउंदा मनमा अत्यन्त आनन्द महशुश भएको पनि श्रेष्ठले भनेकी छन्।
प्रकाशित मिति: शनिबार, मंसिर ९, २०८० २२:१३
