काठमाडौं। काठमाडौं महानगरपालिका वडा नंबर ३ महाराजगञ्ज स्थित शिवपुरी माध्यमिक विद्यालयका छात्राहरुलाई बेस्ट भोलिन्टरी सम्मान २०८० प्रदान गरिएको छ।
शिवपुरी माध्यमिक विद्यालय भूतपूर्व विद्यार्थी संगठनको आयोजनामा बेस्ट भोलिन्टरी सम्मान २०८० प्रदान गरिएको हो।
भोलिन्टरी कार्यमा सवोत्कृष्ट कार्य गरेका पाँच विद्यार्थीहरुलाई बेस्ट भोलिन्टरी सम्मान २०८० प्रदान गरिएको जानकारी आयोजक समितिका सदस्य संयोजक सुबाष महर्जनले दिएका छन्। सम्मानित हुने विद्यार्थीहरुमा पूर्णिमा घिमिरे, भूमिका मगर, ललिङ तामाङ, करुना चौलागाई र प्रनिषा श्रेष्ठ छन्।
सम्मानितहरुलाई शिवपुरी माध्यमिक विद्यालयका हेडसर प्रकाश सुवेदी, डाक्टर भोजबहादुर बुढाथोकी र आयोजक समितिका सदस्य संयोजक सुबाष महर्जनले सम्मान प्रदान गरेका थिए ।
प्रकाशित मिति: शनिबार, मंसिर १६, २०८० १९:०२
