काठमाडौं । कोटेश्वर व्यवसायी संघको १८औं वार्षिकोत्सव कार्यक्रम भव्यरुपमा सम्पन्न भएकाे छ ।
कोटेश्वर चोकस्थित आयाेजित वार्षिकोत्सव कार्यक्रमकाे अवसरमा रक्तदान कार्यक्रमसँगै जाजरकोट भूकम्प पीडितहरूलाई न्यानो कपडा हस्तान्तरण कार्यक्रम सम्पन्न भएको हाे।
बागमती प्रदेश सभाका सभासद् माननीय सुनिल केसीको प्रमुख आतिथ्यता रहेको उक्त विशेष कार्यक्रममा बिशेष अतिथिको रूपमा नेपाल स्वयंसेवी रक्तदाता समाजका केन्द्रीय अध्यक्ष एवं नेपालकै सर्वाधिक रक्तदाता, रक्त सम्र्राट प्रेमसागर कर्माचार्यको उपस्थिति रहेको थियो।
त्यसैगरी कार्यक्रमका अतिथिहरुमा काठमाडौं महानगरपालिका-३२ का वडाध्यक्ष नमराज पराजुली, नेपाल स्वयंसेवी रक्तदाता समाजका चन्द्रागिरी नगर समितिका अध्यक्ष तथा कोटेश्वर व्यवसायी संघका पूर्व अध्यक्ष वर्तमान सल्लाहकार सरोज थापा, नेपाल राष्ट्रिय व्यवसायी महासंघका अध्यक्ष कुमार कार्की, नेपाल स्वयंसेवी रक्तदाता समाज झापा जिल्ला शाखाका अध्यक्ष सीताराम खतिवडा, पूर्वअध्यक्ष हरिशरण पाठक, पूर्वअध्यक्ष बिकास श्रेष्ठ,संस्थापक अध्यक्ष अच्युत लामिछाने, सरस्वती क्लबका अध्यक्ष शिक्षीत पराजुली र डिएसपी महानगरीय प्रहरी शिवलाल पौडेल रहेको थियोे।
कोटेश्वर व्यवसायी संघका अध्यक्ष गोरखबहादुर थापाको सभापतित्व सञ्चालित सो कार्यक्रममा ३२ जना स्वयंसेवी रक्तदाताहरूलाई कार्यक्रमका विशेष अतिथि नेपाल स्वयंसेवी रक्तदाता समाजका केन्द्रीय अध्यक्ष एवं नेपालकै सर्वाधिक रक्तदाता, रक्त सम्राट कर्माचार्यले प्रमाण-पत्र बितरण गरेका थिए।
प्रकाशित मिति: मंगलबार, पुस १७, २०८० ०८:५३
