काठमाडौ । गीत सङ्गीतको दुनियाँमा जमेका भुवन के पोखरेलको अभिनयमा आधारित नयाँ नेपाली आधुनिक म्युजिक भिडियो गीत "हे सानू..." सार्वजनिक भएको छ।
"हे सानू..." गीतको शब्द नवराज घिमिरेको हो जसमा संगीत मुस्कान मुकारुङ्को रहेको गीतलाई युके इन्टरटेन्मेट युट्युव च्यानलमार्फत विश्वव्यापी रुपमा सार्वजनिक गरिएको हो।
गायक बिनोद दनुवारको सुमधुर स्वरले सजिएको "हे सानू..." म्युजिक भिडियोमा चर्चित मोडल तथा कलाकार भुवन के पोखरेल र जुना कार्कीको दमदार अभिनय रहेको छ।
"हे सानू..." भिडियोमा नेपाली युवाहरु बिदेशिनु पर्दाको पीडा पोखिएको यथार्थ दृश्य देख्न सकिन्छ। यो गीत निकै मार्मिक मर्मस्पर्सी रहेको पनि मोडल पोखरेलको भनाइ रहेको छ।
मिडिया हबद्वारा प्रशारित टेलिसिरियल भैरवीमा डाक्टरको भूमिकामा अभिनय गर्ने चर्चित कलाकार यस गीतका मोडल पछिल्लो पटक खुबै चर्चामा छन्।
मोडल तथा सफल कलाकार पोखरेलले अहिलेसम्म दुई दर्जन भन्दा बढी म्युजिक भिडियो लगायत विभिन्न लोकप्रिय टेलिसिरियलहरुमा कार्य गर्दै आइरहेका छन।
गीत भिडियोको प्रतिक्रिया दिने क्रममा मोडल पोखरेलले भने "यो गीत अहिलेका युवाहरुको वास्तविक बेदना पोखिनुको साथै निकै मीठो लयमा बनेको छ। यस गीतले दर्शकको मन जित्नेमा म ढुक्क छु्।"
प्रकाशित मिति: शनिबार, पुस २८, २०८० १६:३४
