-नारायण लिङ्खा देवान
ललितपुर । ललितपुर सानो हात्तिवनस्थित किरात याक्खाछुम्मा उपत्यका शाखाले आज विशेष कार्यक्रम अन्तर्गत सरसफाई अभियान सम्पन्न गरेको छ ।
किरात याक्खा छुम्मा उपत्यका शाखाले किरात याक्खाछुम्मा समुहको पवित्रस्थल मानिने सानो हात्तिवनमा रहेको किरात उधाैली-उभाैली पूजास्थल वरिपरि रहेका जङ्गली घाँसपात तथा फोहोरमैला हटाई सरसफाई गरेको हो।
शाखाले निकट भविष्यमा सोही पवित्रस्थलमा विभिन्न जातका रुखहरु, जडिबुटीहरु र फूलका विरुवारोपण गर्ने निर्णय गरेका छन्। यसैगरी आगामी वर्षहरुमा पनि यस किसिमका कार्यक्रमहरु गर्दै जाने प्रतिवद्धता समेत संस्थाले जनाएको छ।
आयोजित सरसफाई कार्यक्रममा समाजसेवी, चलचित्रकर्मी तथा म्यूजिकभिडियो निर्देशक देउकृष्ण देवान लिङ्खा, संस्थाका उपाध्यक्ष रोहित देवान, कोषाध्यक्ष गोमा याक्खा, सहसचिव दिलिप जिमी, जितवहादुर याक्खा, निम ठकुरी लगायत सरसफाईकर्मीहरुको उल्लेख्य उपस्थिति रहेको थियो ।
प्रकाशित मिति: शनिबार, असार १९, २०७८ १९:४६
