काठमाडौ । डिलाइटेड म्युजिक इण्डष्ट्रीजको उत्पादन रहेको 'मादलुको तालमा मन भयो चोरी ..' बोलको नयाँ गीत तथा गीतको म्युजिक भिडियो बजारमा आएको छ।
नेपाली सांगीतिक बजारका चर्चित, लोकप्रिय गायक रामजी खाँड र गायिका ज्योती मगरकाे तीख्खर स्वरमा सजिएकाे यो गीत निकै नै रमाईलो बनेको छ।
यस गीतमा म्युजिक एरेञ्ज तथा संगीत मनोहर सुनामको रहेको छ भने मनछुने शब्द लेखनको परिचय बनाएका गीतकार डी.पी दाहाल परिश्रमीको शब्द रचना रहेको छ। यस गीत को प्रस्तुतकर्ता रिता सिम्खडा दाहाल हुन्।
लोक भावमा रहेको यस गीतको भिडियोमा लोमस शर्मा र स्मारीका ढकालको फुर्तिलो नृत्य सहितको अभिनय हेर्न पाइन्छ। उक्त गीतमा अन्य कोरस कलाकारहरुको पनि अभिनय रहेको छ।
मादलुको तालमा मन भयो चोरी
रमाइलो बेला नाचिन्छ कुम जोडी
भन्दै रमाइलो गर्ने गीतहरुको सूचिमा यो गीत थपिएको छ। यो गीत डीपी दाहाल युटुब च्यानलमा गएर हेर्न सकिन्छ।अकिष्टीक स्टुडियोमा रेकर्ड गरिएकाे यस गीतमा प्रकाश मिश्रको मिक्सीङ् र भोला पौडेलको माष्टरीङ् रहेको छ।
यस म्युजिक भिडियोलाई अमृत चापागाईले सम्पादन एबं रंग संयोजन र नारायण जिसीले भिडियो छायांकन गरेका हुन् भने सागर ज्ञवालीको निर्देशन रहेको छ।
प्रकाशित मिति: बिहीबार, चैत ८, २०८० ०८:४४
