काठमाडौ । नेपाल चार्टर्ड एकाउन्टेन्ट्स संस्था (आइक्यान) को आसन्न दशौं परिषदको निर्वाचनमा रजिष्टर्ड अडिटर्सहरुको समूहमा नेपाल अडिटर्स एशोसिएसन (अडान) ले ४ जना उम्मेदवारहरु घोषणा गरेको छ ।
घोषणा भएका उम्मेदवारहरुमा तृत्तीय उपाध्यक्ष झलक मणि लम्साल, उपाध्यक्ष प्रदीप कुमार यादव, उप-महासचिव भरतकुमार श्रेष्ठ र उप-महासचिव हरि बहादुर कार्की रहेका छन् ।
यहि २०८१ जेष्ठ २५ गते हुने निर्वाचनमा उपत्यका बाहिर चाँडै नै हुलाकबाट मतपत्र पठाइने कार्यक्रम रहेको बुझिएको छ भने काठमाडौं उपत्यकामा २०८१।०२।२५ गते मतदान कार्यक्रम रहेको छ ।
उक्त चारै जना उम्मेदवारहरुले काठमाडौ उपत्यकामा उपलब्ध केन्द्र, प्रदेस र जिल्ला कार्यसमितिका पदाधिकारी एवम् सदस्यहरुको उपस्थितिमा हर्षोल्लासका साथ आइक्यानमा उम्मेदवारी दर्ता गरेको प्रथम उपाध्यक्ष एवं संयोजक, प्रचार प्रसार विभाग प्रमुख डोलप्रसाद दाहालले जानकारी दिए।
प्रकाशित मिति: सोमबार, वैशाख १०, २०८१ १७:४५
