फिक्कल, इलाम । प्रतिनिधिसभा इलाम क्षेत्र नम्बर-२ मा नेपाल कम्युनिष्ट पार्टी (एमाले) का उम्मेदवार सुहाङ नेम्वाङ २७ हजार सात सय ७२ मतका साथ विजयी भएको छ ।
नेम्वाङका निकटतम प्रतिद्वन्द्वी नेपाली कांग्रेसका डम्बरबहादुर खड्काले २१ हजार ९ सय ४२ मत प्राप्त गरेको छ । एमाले उम्मेदवार नेम्वाङलाई नेपाल परिवार दलको पनि समर्थन थियो ।
एमाले उम्मेदवार नेम्वाङले २७ हजार ७ सय ७२ मतका साथ निर्वाचित भएको मुख्य निर्वाचन अधिकृत केशवप्रसाद घिमिरेले बताए ।
निर्वाचन अधिकृत घिमिरेका अनुसार पहिचानवादी स्वतन्त्र उम्मेदवार डकेन्द्रसिंह लिम्बू ९थेगिम०ले ११ हजार ४ सय ५७ मत र राष्ट्रिय स्वतन्त्र पार्टी ९रास्वपा०का मिलन लिम्बूले ५ हजार ५० मत प्राप्त गरेको छ । मङ्गोल नेशनल अर्गनाइजेशनका मनिबहादुर लिम्बूले ८ सय १६ मत प्राप्त गरेको छ ।
एक लाख १५ हजार ८ सय ८९ मतदाता रहेको सो क्षेत्रमा ६९ हजार २ सय ८७ जनाले मतदान गरेका थिए ।यो निर्वाचनमा १२ राजनीतिक दलका र ७ स्वतन्त्रसहित १९ जना चुनावी प्रतिस्पर्धामा थिए ।
प्रकाशित मिति: मंगलबार, वैशाख १८, २०८१ ०८:२०
