-नारायण लिङ्खा देवान
ललितपुर । किराँत याक्खा छुम्मा उपत्यका समितिको अगुवाईमा ललितपुरस्थित सानो हात्तीवनमा विभिन्न प्रजातीका वृक्षारोपण कार्यक्रम आज सम्पन्न भएको छ।
किराँतीहरुको धार्मिक तथा पवित्रस्थल मानिने पवित्रभूमि सानो हात्तीवनमा चाप, लप्सी, धूपीसल्ला, तेजपात, नीमका साथै विभिन्न औषधीजन्य बोटविरुवाको वृक्षारोपण कार्यक्रम सम्पन्न भएको हो।
"सम्पूर्ण याक्खा एक हाैँ, आफ्नाे सँस्कार, सँस्कृतिकाे सरक्षण गराै" भन्ने मूलनाराकासाथ आयाेजना गरिएकाे उक्त बृक्षारोपण कार्यक्रम किरॉत याक्खा छुम्मा उपत्यका समितिका अध्यक्ष धन बाहादुर देवानको अगुवाईमा सम्पन्न भएको हो।
सो कार्यक्रममा किराँत याक्खा छुम्माका उपाध्यक्ष रोहित देवान, सचिव प्रदीप याखा, सह-सचिव दिलीप जीमी, केन्द्रिय कार्यालयका वरिष्ठ उपाध्यक्ष लोकेंन्द्र याखा, यख़ामा यकसें (महिला समूह) इंदिरा जीमी, चलचित्रकर्मी तथा म्यूजिकभिडियो निर्देशक देउकृष्ण देवान लिङ्खा, शिक्षाबिद इन्द्रमणी देवान लगायत सर्बसाधारणको उल्लेख्य उपस्थिति रहेको थियो।
प्रकाशित मिति: शनिबार, असार २६, २०७८ २१:०१
