ललितपुर । नेपाल तेक्वान्दो संघमा तेस्रो एनटीए लिग (क्योरुगी/पुम्से) (3rd NTA League (Kyorugi / Poomsae) खेलको औपचारिक उद्घाटन भएको छ ।
उक्त लिग खेलको नेपाल सरकार युवा तथा खेलकुद मन्त्री माननीय तेजुलाल चौधरी र नेपालको ऐतिहासिक ओलम्पिक पदकधारी पलेशा गोवर्धनबाट संयुक्त रुपमा उद्घाटन भएको हो ।
उद्घाटन समारोहमा नेपाली कांग्रेसका खेलकुद विभाग प्रमुख उमेश जङ्ग रायमाझी र नेपाल ओलम्पिक कमिटिका उपाध्यक्ष ज्योती राणाको विशिष्ट आतित्थ्य, राष्ट्रिय खेल संघका अध्यक्ष तथा महासचिवहरुको आतित्थ्य, संघका केन्द्रीय सदस्यहरु, बागमती प्रदेश तेक्वान्दो संघ परिवार तथा जिल्ला तेक्वान्दो संघहरुका अध्यक्षहरुको उपस्थितिमा देशभरका १ सय ३० टिमका १ हजार ६ सय ५ जना तेक्वान्दो खेलाडीहरुको सहभागितामा उक्त उद्घाटन कार्यक्रम भव्यताकासाथ सम्पन्न भएको छ ।
प्रकाशित मिति: मंगलबार, भदौ २५, २०८१ ०८:२४
