सुनसरी । नेपाली नोबल साहित्यकार बिक्रम भक्त जोशी इनरुवामा सम्मानित भएका छन्।
साहित्यकार जोशीलाई इनरुवामा आयोजित विशेष साहित्यिक समारोहमा सिर्जनामा इनरुवा नामक साहित्यिक संस्थाले शनिवार विशेष स्रष्टा सम्मान गरेको हो।
नेपाली निकथा यात्रामा पहिलो प्रयोगका रुपमा चोभार ब्लुज साहित्यिक अमर कृति निकालेर व्यापक चर्चामा आएका जोशीलाई इनरुवामा प्राज्ञ विवश पोखरेलको प्रमुख आतिथ्यता तथा आयोजक सिर्जनामा इनरुवाका अध्यक्ष लिलानाथ सिलवालको सभापतित्वमा भएको कार्यक्रममा जोशीलाई दोसल्ला सहित स्रष्टा सम्मान–पत्रव्दारा सम्मानित गरिएको थियो।
काठमाडौंवाट शनिवार नै विहान इनरुवा आएका सम्मानित स्रष्टा जोशीले यो सम्मानवाट आफूलाई निकथाको क्षेत्रमा कलम चलाउन थप प्रेरणा दिएको र जिम्मेवारी थपिएको महशुश भएको नामी साप्ताहिकलाई प्रतिक्रिया दिएका छन्।
प्रकाशित मिति: शनिबार, असोज ५, २०८१ १९:२५
