ललितपुर । चुप लागेर बस्नै नसक्ने स्रष्टा बहुमुखी प्रतिभाका धनी कलाकार स्वतन्त्र संसार महर्जनले एक पछि अर्को सांगीतिक कार्यक्रम गर्दैआएका छन्। यसक्रममा विगतका हप्तावाट हरेक शनिवार संसार क्रियशन्स नेपालद्वारा संचालित संसार संगीतालयमा सांगीतिक माहोलको सिर्जना गर्ने कार्य महर्जनवाट हुदैआएको हो।
यसक्रममा आज शनिवार पाँचौ शनिवारको विशेष सांगीतिक कार्यक्रम संपन्न गर्ने कार्य भएको छ। आवाजको दुनियामा बुनियाद गायक नै मानिएका किशोर कुमार शाहीका साथमा गायिका कल्पना श्रेष्ठको बेजोड प्रस्तुतिका साथमा प्रतिभाशाली समाजसेवी गायिका सरिता महर्जनको साथमा आयोजक स्वतन्त्र संसार महर्जनको अकल्पनिय प्रस्तुतिले सवैलाई तीनछक्क अठार दंगै पारिएको थियो।
युगिन संगीतकार बुद्ध सायमीको प्रमुख आतिथ्यतामा फेसबुक लाइभका साथमा संपन्न संसार संगीतालयको सांगीतिक कार्यक्रममा आयोजक समितिका प्रेम शोभा महर्जन, विष्णु भक्त डंगोल, धिरज थापा मगर, प्रेममाया डंगोल, राजु नकर्मी (क) र (ख) लगायत सबै भगवानरुपी दर्शक, श्रोताहरुको सहभागिता रहेको थियो।
प्रकाशन मिति–२०८१ साल असोज १९ गते शनिवार ।
प्रकाशित मिति: शनिबार, असोज १९, २०८१ २१:१८
