ललितपुर । ललितपुर महानगरपालिकाको शान तथा गौरब नै मानिएको धार्मिक आस्था र विश्वासको धरोहर महालक्ष्मीस्थानमा शुभकामना आदान–प्रदान कार्यक्रम संपन्न भएको छ। ललितपुर महानगरपालिका वडा नंबर ५ को आयोजनामा महालक्ष्मीस्थानमा शुभकामना आदान–प्रदान कार्यक्रम संपन्न भएको हो।
मिति २०८१ कात्तिक २४ गते शनिवार आयोजित समारोहमा ललितपुर महानगरपालिका वडा नंबर ५ का लोकप्रिय तथा जनप्रिय वडा सरकार प्रमुख यानी वडा अध्यक्ष विकासमान श्रेष्ठले उपस्थित सवै वडावासी तथा शुभचिन्तकहरुलाई बडा दशैं, शुभदीपावली, नयाँ बर्ष नेपाल संवत ११४५ तथा छठ पर्वको शुभकामना आदान–प्रदान कार्य गरेका थिए।
उपस्थित सवैलाई महिला वडा सदस्यहरु शोभादेवी प्रधान, मञ्जु रिजाल र पूनम निरौलावाट टीका, प्रसाद र धागो हस्तान्तरण गरेर नयाँ उत्साह र उमंग प्रदान गर्ने कार्य भएको थियो । अर्का वडा सदस्य अशोक कुमार श्रेष्ठ वडावासीहरुको स्वागत सत्कारमा व्यस्त बनेका थिए ।
कार्यक्रमा ललितपुर महानगरपालिकाका मेयर चिरिबाबु महर्जन, उपमेयर मञ्जरी शाक्य बज्राचार्य सहित नेकपा माओवादी केन्द्रकी नेतृ पम्फा भुसालको प्रमुख आतिथ्यता तथा विशेष आतिथ्यता रहेको थियो।
प्रकाशित मिति: शनिबार, कात्तिक २४, २०८१ २१:५२
