रुपन्देही । साहित्यकार तथा राजनीतिकर्मी नरबहादर घर्तीको कृति यथार्थ लोकार्पण भएको छ।
यथार्थ को लोकार्पण कार्यक्रम नेकपा एमाले शुद्धोधन गाउँकमिटीको आयोजनामा एक भब्य समारोहकाबिच भएको हो।
उक्त साहित्यिक तथा प्रशिक्षण कार्यक्रममा प्रमूख अतिथि नेकपा एमालेका उपमहासचिव तथा गुल्मी क्षेत्र नं १ पूर्व सांसद तथा परराष्ट्रमन्त्री प्रदिप ज्ञवालीले नरबहादर घर्तीको पुस्तकबाट आम सचेत नागरिक प्रगतीशिल शाहित्यकर्मी तथा पार्टीका आम सदस्यहरुले समेत शिक्षा लिन पर्ने करामा जोड दिए ।
त्यस्तै, रुपन्देही ईन्चार्ज लिला गिरीले पुस्तकमा आत्मनिर्भर बन्न स्वदेशी उत्पादन र कृषिक्षेत्रलाई आत्मसाथ गर्नुपर्ने कुरामा पुस्तकले जोड दिएको प्रष्ट पारे भने लुम्बिनी बाङ्गमय प्रतिष्ठानका अध्यक्ष तथा लेखक ऋषि आजादले पस्तकको अन्तर्य, औचित्य र आवस्यकतामा विवेचना गर्दै पुस्तकले लेखकहरुमा नयाँ उत्साह थपेको बताएका थिए ।
प्रा डा कपिल देव लामिछानेले नेपालमा देखिएका वर्तमान समस्या, चुनौती र संभावनालाई लेखकले सुक्ष्मढंगले पुस्तकमा उतारेको जिकिर गरेका थिए। कार्यक्रममा खिमलाल भट्टराई, भोजप्रसाद श्रेष्ठ, तुल्सी चौधरी लगाएत उच्चपदस्त नेताहरुको उल्लेख्य रुपमा उपस्थिति रहेको थियो ।
गाउँ कमिटीको आयोजनामा भएकोले नेपाली कांग्रेस तर्फबाट शुद्धोधन गाउँकार्यसमितिीका सभापति दामोदर पौडेल, केशव अधिकारी र रोमाकान्त अधिकारी समेतको उपस्थिती थियो । उक्त भव्य साहित्यिक तथा पुस्तक लोकार्पण कार्यक्रमको अध्यक्षता भने शुद्धोधन गाउँकमिटीका अध्यक्ष राजेन्द्र कडेलले गरेका थिए ।
प्रकाशित मिति: सोमबार, मंसिर १७, २०८१ २०:२४
