काठमाडौ । शेयर बजारमा उच्च अङ्कको पहिरो नै गएको छ आज। जीवन बीमा तथा निर्जीवन बीमा समूहको शेयरमा उच्च अङ्कले गिरावट आएपछि धितोपत्र बजारमा शेयर कारोबार मापक नेप्से परिसूचकमा ठूलो गिरावट आएको छ।
लगातार करेक्सन देखिन थालेको शेयर बजारमा आजको गिरावट पछिल्ला दिनहरु मध्येको सबैभन्दा ठूलो हो। झण्डै ३ हजार ३०० विन्दुको नजिक पुगेको नेप्से ओरालो लागेर २ हजार ९०० को विन्दमुा ओर्लेको छ। नेपाल स्टक एक्सचेञ्जका अनुसार नेप्सेमा ६९.०५ विन्दुले घटेर २ हजार ९७५.८४ मा ओर्लेको छ।
ठूला कम्पनीको शेयर कारोबार मापन गर्ने सेन्सेटिभ परिसूचक १२.३४ विन्दुले घटेर ५५०.५२ मा ओर्लेको छ। नेप्सेसँगै कारोबार रकमसमेत घटेको छ। कूल २२७ कम्पनीको २ करोड ३१ लाख ९ हजार ७१३ कित्ता शेयर १३ अर्ब २५ करोड ९६ लाख ९६ हजार १०७ मूल्यमा खरिद बिक्री भए।
कारोबार भएका १३ वटै उपसमूहको शेयर आज ओरालो लागेको छ। मङ्गलबारको कारोबारपछि बजार पूँजीकरणसमेत ४१ खर्ब ५७ अर्ब ८४ करोड ४१ लाख ८० हजारको हाराहारीमा ओर्लेको छ।
कारोबार भएका बैंकिङ २२.९९, व्यापार १०६.०१, होटल तथा पर्यटन ४६.७, विकास बैंक २०५.७४, जलविद्युत् १२४.२७, वित्त १०१.४८, निर्जीवन बीमा ३७२.५८, उत्पादन १९८.७३, अन्य ६२.७४, लघुवित्त १६४.०६, जीवन बीमा ४४७.९८, सामूहिक लगानी कोष ०.१३ र लगानी २.८ विन्दुले ओरालो लागे।
कारोबार भएका मध्ये आज अरुण भ्याली हाइड्रोपावर शीर्ष स्थानमा रहेका छन्। सो कम्पनीको १ अर्ब १ करोड ५ लाख ७३ हजार ३८३ बराबरको कारोबार भएका छन्।
हिमालयन डिस्टिलरी ४९ करोड २३ लाख १३ हजार ८८३, अपि पावर कम्पनी २९ करोड ७८ लाख २६ हजार,नेपाल बैंक २९ करोड ७४ लाख ६९ हजार ४०० र गुडविल फाइनान्स २९ करोड ६५ लाख १ हजार १७२ को कारोबार भई शीर्ष स्थानमा रहेका छन्।
कर्णाली डेभलपमेन्ट बैंक ७.५८, मनकामना स्मार्ट लघुवित्त ६.०८, सपोर्ट माइक्रोफाइनान्स ५.९६, कर्पोरेट डेभलपमेन्ट बैंक ४.६३, सिटिजन म्युचुअल फण्डका लगानीकर्ताले २.८४ प्रतिशतले कमाए।
उता रुरु जलविद्युत् परियोजना ९.९९, माउण्टेन हाइड्रो नेपाल ७.७६, हिमलायन ऊर्जा विकास कम्पनी ६.९२, सिभिल लघुवित्त ६.५९ र घलेम्दी हाइड्रो पावरका लगानीकर्ताले ५.९४ प्रतिशतले गुमाएका छन्।
