काठमाडौ । पाँच महिनापछि चन्दागिरि केबलकार सञ्चालनमा आएसँगै खुलेकै दिन दुई हजार पुगेको छन्।
कोरोना भाइरसका कारण लामो समयदेखि बन्द रहेको चन्द्रागिरिको केवलकार सञ्चालनमा आएको छ। गत वैशाख १६ गतेदेखि सरकारले लकडाउन शुरु गरेपछि केबलकार बन्द भएको थियो।
चन्दागिरि हिल्सका महाप्रबन्धक अभिषेखविक्रम शाहका अनुसार झण्डै पाँच महिनापछि केबलकार सञ्चालनमा आउँदा पहिलो दिन दुई हजार जनाले यात्रा गरेका छन्। उनले स्वास्थ्य मापदण्डको पालना गरेर केबलकार सञ्चालन गरिएको बताए।
शाहले भने, “सरकाले तोकेका स्वास्थ्यका मापदण्ड पालना गरेका छौं, ठाउँ–ठाउँमा स्यानेटाइजरको व्यवस्था छ, मास्कविना प्रवेशमा रोक लगाइएको छ, यहाँ फराकिलो क्षेत्र भएकाले खास भिडभाड नहुने हुनाले पनि कोरोनाको डर कम छ।”
उनले सर्वसाधारणका लागि केबलकार सञ्चालन गरे पनि रिसोर्ट गत असारबाट नै खुलाइएको जानकारी दिए। चन्द्रागिरिमा जिप लाइन पनि सञ्चालनमा आएको छ।
त्यहाँ पुगेकामध्ये कतिपयले जिप लाइनको मजा पनि लिएका थिए। काठमाडौं खाल्डोको एक आकर्षक एकीकृत पर्यटकीय क्षेत्रका रुपमा विकास भएको यस चन्द्रागिरि हिल्समा जिप लाइन पनि थपिएको हो।
प्रकाशित मिति: आइतबार, भदौ २०, २०७८ ०८:२७
