काठमाडौ । डिश मिडिया नेटवर्क लि (डिश होम) ले आजबाट पोखरामा डिशहोम फ़ाईबरनेटको औपचारिक शुरुवात गरेको छ।
पोखराकाे नयाँबजारस्थित भट्टराई एण्ड ब्रदर्स सप्लायर्स प्रा लि मा पोखरा उद्योग बाणिज्य संघका अध्यक्ष्य नारायण कोइरालाबाट डिशहोम फ़ाईबरनेटको औपचारिक उद्घाटन गरेको हो।
डिशहोमका तर्फवाट एरिया सेल्स मेनेजर, सेल्स अफिसर, प्राविधिक व्यक्तित्वहरु, संचारकर्मीहरु, डिलर दाइहरु र स्थानीय समाजसेवी, बुद्दिजिविहरुको उल्लेख्य रुपमा सहभागीता रहेको उद्घाटन कार्यक्रममा भट्टराई एण्ड ब्रदर्स सप्लायर्स प्रा लि का अध्यक्ष अम्बिका मोहन भट्टराईले डिशहोम फाईबरनेटको औचित्य बारे प्रस्ट पारेका थिए।
भट्टराईले भने, "डिसहोमले ईन्टरनेटमा गरेको लगानीले अब नेपालमा ईन्टरनेट क्रान्ति शुरु भयो। सस्तो सर्वसुलभ र गुणस्तरीय इन्टरनेट सेवा हरेक ग्राहकहरुलाई थप सेवा सुबिधा सहित आजबाट जडान हुनेछ भने १० एमवीदेखि ग्राहकको रोजाइ अनुसार १०० एमवीसम्मको प्याकेज उपलब्ध रहेको छ।"
त्यस्तैगरी सहरी एरियाबाट शुरु गरेको डिशहोम फ़ाईबरनेट आफ्नो सेवालाई अब ग्रामीण एरियाका ग्राहकलाई डिशहोम फ़ाईबरनेटसंगै अन्य सेवा पनि छिट्टै शुरु हुने डिशहोमका एरिया सेल्स मेनेजर प्रदिप सुबेदीले जानकारी गराएका थिए।यससँगै अब ईन्टरनेटको समस्याले कुनैपनि नागरिक बन्चित हुनु नपर्ने भएको छ।
भट्टराई एण्ड ब्रदर्स प्रा लि ले डिसहोम, डिसहोम फाइबरनेट इन्टरनेट तथा विभिन्न उच्चस्तरिय ब्राण्ड्का इलेक्ट्रोनिक तथा अटोमोबाइल्स सामानहरुको बिक्री वितरणमा गण्डकी तथा धवलागिरी क्षेत्रमा बजार बिस्तार गरेको छ।
प्रकाशित मिति: बुधबार, भदौ २३, २०७८ १३:४४
