काठमाडौ । नेपाल क्रिकेट संघ (CAN) र डिश मिडिया नेटवर्क लिमिटेडविच एक दिवसीय अन्तर्राष्ट्रिय CWC League-2 त्रिदेशीय शेरिजको प्रत्यक्ष प्रशारण गर्ने सहमतिमा हस्ताक्षर भएको छ।
नेपाल र ओमानमा हुने त्रिदेशीय शेरिजको प्रत्यक्ष प्रशारण गर्न डिश मिडिया नेटवर्कका तर्फबाट प्रबन्ध निर्देशक सुदिप आचार्य र क्यानका कोषाध्यक्ष रोशन कुमार सिंहविच सम्झौता पत्रमा हस्ताक्षर भएको हो।
उक्त CWC League-2 त्रिदेशीय शेरिज क्रिकेटका ६ वटा खेलहरु भाद्र २८ गतेदेखि असोज ४ गते सम्म प्रशारण हुनेछ। यो सम्झौता अनुसार ओमानमा आयोजना हुने खेलहरु डिशहोमले एक्शन स्पोर्टस HD1 र डिशहोम GO OTT APP मार्फत प्रत्यक्ष प्रशारण गर्नेछ।
जसअनुसार CWC League-2 त्रिदेशीय शेरिज क्रिकेट खेलहरु नेपाल र अमेरिकाविच भाद्र २८ गते, ओमान र नेपालविच भाद्र २९ गते, ओमान र अमेरिकाविच भाद्र ३१ गते खेल हुनेछ भने नेपाल र अमेरिकाविच असोज १ गते, ओमान र नेपालविच असोज ३ गते र ओमान र अमेरिकाविच असोज ४ गते खेल हुनेछ।
एक दिवसीय अन्तर्राष्ट्रिय CWC League-2 त्रिदेशीय शेरिजका सम्पूर्ण खेलहरु नेपाली समय अनुसार ४ः१५ बजे ओमानको अल अमेरात क्रिकेट मैदान, मस्कटबाट प्रत्यक्ष प्रशारण हुनेछ।
प्रकाशित मिति: सोमबार, भदौ २८, २०७८ १८:३३
