काठमाडौ । कोरोनाभाइरस (कोभिड-१९) को महामारी र बिद्यमान् बिषम् परिस्थितिका बाबजुद पनि नेपाल स्वयंसेवी रक्तदाता समाजले विभिन्न स्थानमा रक्तदान कार्य गर्दै आइरहेको छ।
यसै सन्दर्भमा नेपाल स्वयंसेवी रक्तदाता समाजका केन्द्रीय अध्यक्ष एवं स्वयंसेवी शतक रक्तदाता प्रेमसागर कर्माचार्यको प्रमुख आतिथ्यतामा काठमाडौं महानगरपालिका-२३ स्थित चिकःमु त्वाःमा स्वयंसेवी रक्तदाताहरूको एक भेला सम्पन्न भएको छ।
रगत र रगतबाट तयार पारिएका तत्वहरू पीडित पक्षलाई सहज र सर्वसुलभ कसरी उपलब्ध गराउन सकिन्छ र हाल बिश्वब्यापी महामारीको रूप लिइरहेको कोरोनाभाइरस (कोभिड-१९) का बिरामीहरूलाई प्लाज्मा थेरापीबाट गरिंर्दै आएको उपचारको माग वा आवश्यकता अनुसारको कोरोनाभाइरस (कोभिड-१९) बाट संक्रमित भइ स्वास्थ्यलाभ गरेकाहरूबाट प्लाज्मा दान गर्न र गराउन पहलकदमी गर्नु पर्नेमा नै केन्द्रीत रहेको छ ।
आयोजित भेलाले नेपाल स्वयंसेवी रक्तदाता समाज काठमाडौं महानगरपालिका-२३ वडा समिति समेत गठन गरिएको छ। नवगठित कार्य समितिमा राकेश लाल श्रेष्ठलाई अध्यक्ष सर्वसम्मत चयन गरेका छन् भने उपाध्यक्षमा अनिल दर्शनधारी, सचिवमा सुजन प्रधान र कोषाध्यक्षमा राजेश श्रेष्ठ चयन भएका छन् ।
त्यस्तैगरी सदस्यहरुमा जयहरि श्रेष्ठ, सुशील रत्न ताम्राकार, कर्ण रत्न शाक्य, महेन्द्र रत्न शाक्य, राजिव चित्रकार, निरज स्थापित, मैंया महर्जन, गिता महर्जन र शाहिल श्रेष्ठ रहेका छन् ।
नव गठित कार्य समितिलाई संस्थाको लोगो अंकित बायच पहिराई नेपाल स्वयंसेवी रक्तदाता समाजका केन्द्रीय अध्यक्ष एवम् स्वयंसेवी शतक रक्तदाता प्रेमसागर कर्माचार्यले बधाई तथा शुभकामना ब्यक्त गरेका थिए ।
समितिले वर्तमान (कोभिड-१९) ले रक्त व्यवस्थापनमा पारेको नकारात्मक प्रभावलाई न्यूनीकरण गर्दै रगत र रगतबाट तयार रक्त-तत्वहरूको अभावलाई सम्बोधन तथा नेपाल स्वयंसेवी रक्तदाता समाजद्वारा रक्तदान गर्न रगराउन गरिएको आह्वानलाई सार्थक तुल्याउन रक्तदान कार्यक्रम समेत आयोजना गर्ने नव गठित नेपाल स्वयंसेवी रक्तदाता समाज समितिका अध्यक्ष राकेशलाल श्रेष्ठले जानकारी दिए।
प्रकाशित मिति: शनिबार, असोज ३, २०७७ २३:४०
