ललितपुर । नेपाली म्युजिक भिडियोका बादशाह नै मानिएका समाजसेवी तथा गायक सीताराम पोखरेलले आज आफ्नो जन्मदिन ललितपुर ताल्छीखेलस्थित स्वच्छ नेपाल बालआश्रममा मनाएको छ।
वरिष्ठ गायक तथा समाजसेवी पोखरेलको प्रत्येक बर्ष अक्टोबर ४ तारिखका दिन पर्ने आफ्नो जन्मदिनलाई आज एक विशेष कार्यक्रमको आयोजना गरी मनाएको हो ।
खुल्ला हृदयका धनी समाजसेवी पोखरेलले आफ्नो पवित्र जन्मदिनको अवसरमा स्वच्छ नेपाल बालआश्रमका सञ्चालक देवराज तमाटा र धन लोहारलाई खाद्यान्नका सामग्रीहरुका साथै केही नगद समेत प्रदान गरेका थिए।
जन्मोत्सव कार्यक्रम समारोहमा संस्थाका बालबालिकाहरुका माझमा केक काटेर खादा ओढाई शुभकामना प्रदान गरिएको थियो भने आफू यस्तो कार्य पवित्र कार्य गर्न पाएकोमा पोखरेलले खुशी व्यक्त गरेका थिए।
समाजसेवी तथा गायक पोखरेलले आफ्नो जन्मदिनको दिन कुनै न कुनै बालआश्रमदेखि बृद्धाश्रममा पुगेर असहाय, अनाथहरुका साथमा जन्म दिन मनाउने कार्य गर्दै आएका छन्।
प्रकाशित मिति: सोमबार, असोज १८, २०७८ २१:२२
