काठमाडौ । नेपाली कांग्रेस नागार्जुन नगरपालिका वडा नम्बर ७ को कार्यसमितिद्वारा चियापान तथा शुभकामना आदान-प्रदान कार्यक्रम सम्पन्न भएको छ।
नेपालीहरुको महान चाड शुभदिपावली, नेपाल सम्बत २०४२ तथा छठ पर्वको अवसरमा शुभकामना आदान-प्रदान तथा चियापान कार्यक्रम सम्पन्न भएको हो।
समारोहमा वडाका वडा सभापति उज्ज्वल दुवाडीको सभापतित्वमा भएकाे कार्यक्रममा आमन्त्रित केन्द्रिय सदस्य ध्यानगोविन्द रंजित, नेपाली कांग्रेसका अग्रज तथा पुराना नेता दामोदर गौतम, युवा नेता धर्मराज गौतम, श्यामकृष्ण खड्काका साथै केन्द्रिय सदस्य किरण गिरीको उपस्थिति रहेको थियो ।
कार्यक्रम समारोहमा सभापति उज्ज्वल दुवाडीले कार्यक्रमको उद्देश्यको प्रकाश पार्दै नेपाली कांग्रेसको नेता तथा कार्यकर्ता विचमा सामिप्यता बढाउनुको साथै संगठनलाई मजबुत बनाउन थप टेवा पुग्ने बताएका थिए।
सोही कार्यक्रममा नागार्जुन नगरपालिकाका मेयर मोहन बस्नेत, वडा नम्बर ७ का वडा अध्यक्ष रमेश गौतम लगायत नेता तथा कार्यकर्ताहरुको उल्लेख्य सहभागीता रहेको थियो।
प्रकाशित मिति: सोमबार, कात्तिक १५, २०७८ १५:०९
