काठमाडौ । नायिका शुभेच्छा थापा राजधानीमा आयोजित 'विराट म्यूजिक एण्ड फिल्म अवार्ड २०७८' उत्कृष्ट नायिका अवार्डबाट शुभोसित भएकी छिन्।
अधिराज्य मिडिया नेटवर्कद्वारा आयोजित 'विराट म्यूजिक एण्ड फिल्म अवार्ड २०७८' अवार्ड समारोहमा चलचित्र 'लक्ष्मी रानी' बाट उत्कृष्ट नायिका अवार्डले शुभोसित भएकी हुन्।
युवा तथा खेलकुदमन्त्री महेश्वर जंग गहतराज को प्रमुख आतित्थ्यतामा भएको अवार्ड सम्मानित समारोहमा आकाश अधिकारी, नायक रविन्द्र अधिकारी, निर्देशक तथा नेपाल चलचित्र निर्माता संघका अध्यक्ष धिरेन शाक्य लगायत थुप्रै वरिष्ठ कलाकारहरुको उपस्थिति रहेको थियो।
'विराट म्यूजिक एण्ड फिल्म अवार्ड २०७८ ले उत्कृष्ट नायिकाको अवार्ड प्रदान गरेकोमा अधिराज्य मिडिया नेटवर्कप्रति म आभारी छु,' नायिका थापाले भनिन्, 'साथै यसरी विभिन्न विधामा सम्मानित हुनुहुने सम्पूर्ण कलाकारहरुलाई हार्दिक शुभकामना छ।'
अत्यन्तै मार्मिक कथामा आधारित सामाजिक कथानक चलचित्र 'लक्ष्मी रानी' नायिका थापाद्वारा निर्देशित चलचित्र हुन् भने निर्मात्री तथा लेखक पनि स्वयम् नायिका थापा नै हुन्।
प्रकाशित मिति: शुक्रबार, कात्तिक २६, २०७८ ०८:२३
