काठमाडौ । नेपालको एकमात्र डीटीएच सेवा प्रदायक कम्पनी डिशहोमले आफ्ना ग्राहकहरुलाई निःशुल्क १० एमवीपीएस ईन्टरनेट प्रदान गर्दै आइरहेको छ।
कम्पनीले यसअघि नै बजारमा ल्याएका “लाइफस्टाइल” लाई पुनः निरन्तरता दिँदै डिशहोम रिचार्ज गर्ने हरेक ग्राहकलाई डिशहोम फाइबरनेट निःशुल्क ईन्टरनेट प्रदान गर्ने भएको हो।
गतसाउनदेखि रोकिएको यो प्याकेज आजदेखि पुनः सञ्चालनमा ल्याइएको डिशहोमका महाप्रबन्धक रमेश सापकोटाले बताए।
यस अन्तर्गत ग्राहकले एक महिनाका लागि ६ सय रुपैयाँ (भ्याट) सहितमा डिशहोम टीभीको रिचार्ज गर्दा १० एमवीपीएस गतिको ईन्टरनेट सुविधा निःशुल्क पाउनेछन्।
त्यस्तैगरी बार्षिक ग्राहकहरुले मासिक ५ सय ५० रुपैयाँ (भ्याट) सहितकोमा डिशहोम रिचार्ज गर्दा निःशुल्क ईन्टरनेट प्राप्त गर्न सक्नेछन्।
डिशहोमका २० लाख ग्राहकसँगै कनेक्शन लिएका सबैले यो सुविधा उपभोग गनृ पाउनेछन्। हालसम्म देशका मुख्यसहरुमा डिशहोमका फाइबरनेट सेवा पुगिसकेको छ।
प्रकाशित मिति: सोमबार, कात्तिक २९, २०७८ १८:४३
